Maurì, t'arcurde quanne.... Sant'Andreje

Quanne ji ere nu bardasce, e arriveve la feste di Sant'Andreje, jere proprie na feste pi' ddavere. Ci steve lu pale de la cuccagne... na lancette si mitteve mezze a la piscare n'ghe nu pale pe 'trece piene di grasse; n'cime a stu pale ci steve nu fazzole, le marinare si struppijevene, paladine contre soravintane, quanta schiuffe pi' pija stu fazzole.

Dapu', quanne lu sole abbijeve a calà ci si attrizzeve pi' la Corse di li Maccarune... sopre a lu mircate di lu pesce, ci sta na tirrazze e 'lla sopre si mitteve na dicine di piatte di maccarune aje e uje piene di lazzaritte; la gente n'ghe li mane attaccate 'arrete a la schine s'avevane a'ngluttì sti maccarune chi jerene nu vilene.
M'arcorde chi ci steve Battillone, Brandine, Cenzine e ci stevene pure li bardasciune come Cocò, Alberte Capasturte, Paolette 22 (lu matte), ma lu 'cchiu forte di tutte ere Mario lu 'Uattone.

E la notte pi' finì la jurnate di feste ci steve la Pupe... Rolande lu fije di za' Litizie si ficcheve dentre a la pupe e balleve n'ghe le botte sopra la coccie, e dapu' ci faceve cacà sotte picchè passeve ricie'a ricie a la gende chi jeve scappenne pi' lu'nsulte.

La Dumeniche a'mmatine li mamme e li moje di li marinare jevene arrete a lu sante, chi 'sceve dalla cchise e s'imbarcheve sopre a nu scafe n'ghi li privite e li capucciune e sopre a n'atre scafe s'imbarcheve la bande musicale.
Come a'sceve lu sante tutte li scafe 'hi jevene arrete, e lla'mmare si faceve na messe pi li murte chi lu mare s'avè pijate,... m'arcorde Papà n'ghe li lacrime all'ucchie a lu pinsire di lu fratelle Zi' Brune...
A la fine di la messe si 'jitteve na curone di laure e dapù si puteve abbijà a fa baldorje.....

....Maurì come a'sa cagnate lu monne.